Мадриднинг "Реал" клуби бош мураббийи Зинедин Зидан ЕЧЛнинг 4-тур доирасида Италиянинг "Интер" клубига қарши бўлиб ўтадиган учрашув ҳақидаги фикрлари билан ўртоқлашди.
"Интер" клуби билан ўйинда паст-баландликлар бўлмади деб ўйлайман. Қийин вазиятлар бўлди, лекин, бундай рақибга қарши ўйинда бу вазиятлар одатий ҳол. Биз ўйинни яхши бошладик ва яхши якунладик. Бу - футбол, бундай нарсалар бўлиб туради.
Ҳимоя ва ҳужумдаги ўйинларимизни кучайтириш учун кўп ишлаяпмиз. Эҳтимол бу биз учун иккинчи ҳолатдир, лекин бу фақат бизда деб ўйламайман", - Зиданнинг сўзларидан иқтибос келтирмоқда УЕФА расмий сайти.
