Лондоннинг "Арсенал" клуби футболчиси Николя Пепе 2021 йилнинг январь ойида жамоани тарк этмайди. Бу ҳақда Англия матбуоти ёзмоқда.
Сўнгги пайтларда Пепе атрофида турли хил миш-мишлар айланмоқда. Футболчи «канонирлар»нинг асосий таркибидан доим ҳам жой олмаяпти, қолаверса, у «Лидс» клубига қарши учрашувда спортчиларга хос бўлмаган ҳолда ҳаракат қилиб майдондан четлатилганди.
Бироқ, «Арсенал» ҳалиям Пепега эҳтиёж сезаётганини билдирмоқда. «Канонирлар» бош мураббийи Микель Артета тақвимнинг зичлиги сабабли, Пепени сотмаслигини билдирди.
