Мадриднинг "Реал" клуби "Интер" ҳужумчиси Ромелу Лукакуни сотиб олишга тайёрлигини билдирди. Бу ҳақда Испания матбуоти ёзмоқда.
"Қаймоқранглилар" 27 ёшли бельгиялик ҳужумчи учун қишки трансфер бозорида 85 миллион евро тўлашга тайёр. Чунки, "Реал" раҳбарияти жамоага яхши ҳужумчи изламоқда.
2019 йили "Интер" Лукакуни "Манчестер Юнайтед" клубидан 74 миллион евро эвазига сотиб олганди. Бельгиялик ҳужумчи "нерадзуррилар" таркибида 60 та учрашув ўтказиб 43 та гол урди ва 8 та голга ассистентлик қилди.