Италиянинг «Интер» клуби ҳимоячиси Стефан де Врей ЕЧЛ доирасида Мадриднинг «Реал» (0:2) клубидан қабул қилиб олинган мағлубият ҳақида фикр билдирди.
«Ўйинни омадсиз бошладик ва «Реал»ни пенальти ишлашига йўл қўйиб бердик. Шунингдек, биз бир киши кам бўлиб қолдик. Иккинчи бўлимда ўйинга қайтишга ҳаракат қилдик ва кучимиз етмади.
«Интер» плей-офф йўлланмасини қўлга киритишга умид қилади. Олдимизда яна иккита ўйин турибди. Лекин, кейинги босқичга йўл олиш ўзимизга боғлиқ эмаслигини тушуниб турибмиз. Ғалаба қозонишда давом этишимиз ва параллел ўтадиган ўйинларда бизни қониқтирадиган натижалар қайд этилишига умид қилишимиз керак», - деди Де Врей УЕФА расмий сайтига.
