«Ал-Аҳли» Африка Чемпионлари Лигаси финали «Замалек» клубини 2:1 ҳисобида мағлуб этди ва ўз тарихи ушбу совринни 9-маротаба қўлга киритди.
Қайд этиш керакки, ушбу икки клуб ҳам финал ўйини бўлиб ўтган Мисрнинг Қоҳира шаҳри жамоаси саналади.
Учрашувнинг 5-дақиқасида Ал-Сулайя ҳисобни очди. 36-дақиқада эса «Замалек» футболчиси Шикабала ҳисобни тенглаштирди. Ўйин тақдирини ҳал қилган голни эса Муҳаммад Мағди 86-дақиқада киритиб, жамоасига муҳим ғалабани тортиқ қилди.
«Ал-Аҳли» сўнгги маротаба 2018 йили ушбу мусобақанинг финалида ўйнаганди. Ўшанда улар финалда Туниснинг «Эсперанс» клубига имкониятни бой берганди.
