Лондоннинг «Тоттенхэм» клуби бош мураббийи Жозе Моуриньо АПЛнинг 10-тур доирасида бўлиб ўтадиган "лондон дербиси"си ҳақидаги фикрлари билан ўртоқлашди.

«Лэмпардан ўз жамоасини «Тоттенхэм»га қарши ўйнатишдан қўрқадими ёки йўқми деб сўранг. Унинг шогирдларидан қўрқув бор ёки йўқлигини сўранг. Жавоб салбий бўлишини биласиз-ку. Қўрқув йўқ. «Тоттенхэм»да қўрқув йўқ. Биз ҳеч кимдан қўрқмаймиз. Умуман олганда, бу ҳолатда қўрқув сўзи ноўрин.

Биз рақибнинг иқтидорини ҳурмат қиламиз ва ўйлайманки, улар ҳам бизнинг иқтидоримизни ҳурмат қилишади.

Англия Премьер-Лигасининг савиясини паст даражада баҳолаб бўлмайди. Ҳаттоки, АПЛнинг аутсайдерлари ҳам юқори савияда ўйнай олади», — деди Жозе Моуриньо.