Англиянинг "Манчестер Юнайтед" клуби бош мураббийи Оле-Гуннар Сульшер АПЛнинг 10-тур доирасида "Саутгемптон" (3:2) клуби устидан қўлга киритилган иродали ғалаба ҳақида фикр билдирди.
«Бу мавсум ҳақиқатан ҳам биз учун жуда қийин. Ўйлайманки, бизнинг сафардаги саккизта "ғалабали сериямиз" асосан трибунада мухлислар йўқлиги туфайли қўлга киритилди. Аммо биз аслида бундай нарсаларга аҳамият бермаймиз. Бизни қизиқтирадиган нарса - очколар. "Манчестер Юнайтед" юзага келган вазиятлардан унумли фойдаланиб, яхши ўйин намойиш этди.
Эдинсон Кавани ўзининг улкан ишлаш тажрибаси ва шахсий фазилатларини ҳисобга олган ҳолда, ўз позициясидаги дунёнинг энг яхши футболчиларидан бири саналади. Менга шу позицияда айнан шундай ижрочи керак эди. Жамоа ўз вазифаларини амалга оширишда муаммоларга дуч келганда, бундай футболчи керак бўлади. Кавани ҳар доим тўп билан рақиб дарвозасига хавф солиб туради" - деди Сульшер.
