Мадриднинг "Реал" клуби 2021 йилнинг ёзги трансферидаги режаларини ўзгартиришига тўғри келиши ҳақида AS нашри хабар тарқатмоқда.
Нашрнинг ёзишига қараганда, "Қироллик клуби" молиявий муаммо туфайли "ПСЖ" ҳужумчиси Килиан Мбаппе ва "Боруссия" форварди Эрлинг Холандларни бир вақтнинг ўзида харид қила олмайди.
Шу сабабли, "қаймоқранглилар" 2021 йили "Сантьяго Бернабеу"га Мбаппени ва 2022 йили эса норвегиялик ҳужумчини олиб келишни мўлжалламоқда.
Мбаппенинг трансфер бозоридаги нархи 180 миллион еврога баҳоланаётган бўлса, Холанднинг нархи 100 миллион еврога тенглаштирилмоқда.