Англиянинг "Манчестер Сити" ҳужумчиси Габриэль Жесус жамоасининг Европа Чемпионлари Лигасидаги амбициялари ҳақида гапирди.
«Биз тушунишимиз керакки, Чемпионлар Лигасида ғалаба қозониш учун шунчаки яхши ўйнаш етарли эмас, бизга Х-фактор керак. Бизнинг жамоамиз аста-секин керакли етукликка эришмоқда.
Ҳар сафар туннелдан майдонга чиқиб келганимда ва Европа Чемпионлар Лигаси мадҳияси янграганида, ўзгача туйғуларни ҳис қиламан. Ушбу дақиқаларда мен футболчи бўлишни орзу қилган болалигимни эслайман. Севимли жамоамнинг ўйинларини кўриш учун тез-тез мактабни ташлаб кетишимга тўғри келган пайтлар ёдимга тушади. Онам бу сўзларимни ўқишини истамайман.
Чемпионлар Лигасидаги ўнта гол киритган дастлабки бразилиялик ёш футболчи бўлганимдан ниҳоятда хурсандман. Ҳар бир футболчининг ўз тарихи бор. Ушбу рекордни ўрнатганимдан хурсандман. Агар ватандошларим менинг кўрсаткичларимни такрорлашса жуда яхши бўларди», - деди Габриел Жезус.
