Мадриднинг «Реал» клуби бош мураббийи Зинедин Зидан Эден Азар ҳақида фикр билдирди.

«Вазият футболчининг ўзи учун ҳам қийин, аммо биз ҳозирги воқелик билан ҳисоблашишимиз кеак. У фаолияти давомида жароҳат олмаган, бу ерда эса... Лекин биз Эденга ишонч билдиришда давом этамиз, у янада кучли бўлиб сафга қайтади.

Мен унинг руҳий барқарорлигига шубҳа қилмайман. Унда ҳеч қачон бу борада муаммо бўлмаган. Жароҳат ҳар бир футболчининг фаолияти давомида рўй бериши мумкин, ҳозир унинг организми оғир юкламаларга бардош бериши қийин. Ишончим комилки, Азар ҳалиям жамоамиз учун фойдали бўлади, унинг кучли тарафлари кўп. Унинг тезроқ майдонга қайтишини кутяпман», — деди Зинедин Зидан.