Италиянинг "Аталанта" клуби устози Жан Пьеро Гасперини ЕЧЛ доирасида «Мидтьюлланд»га қарши бўлиб ўтадиган учрашув ҳақидаги фикрлари билан ўртоқлашди.
«Биз фақат ўз ўйинимизга эътибор қаратишимиз керак. Биз Дания чемпионатининг бугунги кундаги етакчисига қарши ўйнаймиз. Рақибимиз ғолиблик менталитетига эга, бу биз учун ниҳоятда қийин бўлади. Мен қийин ўйинни кутмоқдаман.
Афсуски, мен Пашалич, Малиновский ва Миранчукга умид боғлай олмайман. Уларнинг барчаси Перлуижи Голлини сингари ўйинга тайёр эмас. Аммо Робин Госенс бугун сафимизда бўлади.
Бизнинг мақсадимиз ҳар доим ўз ўйинларимизда ғалаба қозонишни исташимиздан келиб чиқади. Аммо "Ливерпуль" ва "Аякс" билан ўйинлардан кейин буни амалга ошириш унчалик осон эмас. Ушбу учрашувда биз ўз олдимизга қўйилган вазифаларни бажариш учун қўлимиздан келганича ҳаракат қиламиз", - деди Жан Пьеро Гасперини.
