Бугун Фарғонадаги "Истиқлол" стадионида Фарғонанинг "Нефтчи" ҳамда Яйпаннинг "Турон" жамоалари Суперлигага йўлланма берадиган ҳал қилувчи учрашувда ўзаро баҳс олиб борди.

Учрашувда "Турон" футболчилари 1:0 ҳисобида ғалаба қозонди. Ўйиннинг энг кулминацион воқеаси - "Нефтчи" футболчиси Мансур Саидов тўпни рақиб дарвозаси томон йўллаган вазиятда, тўп "Турон" футболчиларининг қўлига теккандек кўринди. Учрашув бош ҳаками пенальти белгилашга қарор қилмади ва ўйинни давом эттириш кераклигини кўрсатди.

Айнан мана шу қарор мухлисларга ёқмади ва ўйин якунига етгач, майдонга тушиб келган мухлислар бош ҳакамни кийиниш хонасига қувлаб "обкириб" қўйишди.