Италиянинг «Наполи» клуби ҳужумчиси Аркадиуш Милик учун навбатдаги харидор пайдо бўлди. Гап Мадриднинг «Атлетико» клуби ҳақида кетмоқда. Мадридликлар польшалик ҳужумчини қишки трансфер бозорида қўлга киритишмоқчи.
Аввалроқ Миликка Римнинг «Рома» клуби фаол қизиқиш билдирганди. Шунингдек, унга «Тоттенхэм» ва «Интер» клубидан ҳам таклифлар бор.
Польшалик ҳужумчининг «Наполи» клуби билан амалдаги шартномаси якунланиб бормоқда. Агар неаполликлар Миликнинг трансферидан пул ишлаб олишни хоҳлашса, у ҳолда қишда сотиб юборишлари керак, акс ҳолда у ёзда эркин агентга айланади.
