Туриннинг «Ювентус» клуби марказий ярим ҳимоячиси Адриен Рабьога Англиянинг «Манчестер Юнайтед» томонидан қизиқиш бўлмоқда.
Calciomercato порталининг тарқатган маълумотига қараганда, 25 ёшли Франция терма жамоаси ярим ҳимоячисини "қизил иблислар" бош мураббийи Оле-Гуннар Сульшер ўз жамоасида кўришни хоҳламоқда.
Ўз навбатида футболчини "Ювентус" клубидаги тутган ўрни қониқтирмаяпти ва ўйин амалиётисиз қолиб кетишни хавотир олмоқда. Шу сабабли, Раьбо қишки транфер ойнасида жамоани тарк этиш ниятида.
Маълумотларга қараганда, «Ювентус» ярим ҳимоячисининг агенти «Манчестер Юнайтед» билан музокараларни бошлаб юборди.
