Лондоннинг «Тоттенхэм» клуби бош мураббийи Жозе Моуриньо нима учун "Арсенал"га ўтган "Челси" собиқ футболчиси Виллианни ўз жамоасига олиб келмаганини тушунтириб ўтди.
«Оддий қилиб айтадиган бўлсам, Виллиан билан шартнома имзолайдиган маблағга эга эмасдик. Биз унга «Арсенал» тўлаётган маошни бера олмасдик. Шу сабабли, манзилсиз бўлган музокараларга вақт сарфлашни хоҳламадим.
Мен ҳозиргача Виллианни АПЛдаги энг тажрибали футболчилардан бири деб биламан. Биз у билан эски дўст бўлиб қоламиз. Биз баъзида телефон орқали суҳбатлашиб турамиз. Мен унга барча яхшиликларни тилайман, у ажойиб футболчи саналади», — деди Жозе Моуриньо.
