Италиянинг «Милан» клуби бош мураббийи Стефано Пиоли А Серия доирасида «Сампдория» (2:1) клубига қарши бўлиб ўтган учрашув ҳақидаги фикрлари билан ўртоқлашди.
«Мен футболчиларга ҳақиқий жамоа эканлигимизни айтдим. Улар исталган вазиятдан максимал даражада фойдаланишга ҳаракат қилишмоқда, ҳаттоки энг салбий нарсалардан ҳам улар нималарга қодир эканликларини исботлашга ҳаракат қилишмоқда.
Жамоа етакчилари бўлган Ибрагимович, Кьер ва Беннасерлар биринчи марта биргаликда ўйнашмади, аммо жамоанинг бошқа футболчилари уларнинг йўқлигидан унумли фойдаланиб, ўзларини кўрсатишга муваффақ бўлишди. Гарчи, сўнгги бир йилда бугун майдонга энг ёш таркиб тушган бўлсада, уларнинг етуклигига ҳайратланишдан тўхтамайман.
Ишончим комилки, «Интер», «Ювентус» ва «Наполи» клублари ҳалиям чемпионлик учун курашни охиригача давом эттиради. Кетма-кет 9 та чемпионликдан кейин қандай қилиб «Ювентус»ни бош соврин учун асосий фаворит сифатида ҳисобламаслик керак? Ёки «Интер»нинг киритаётган сармояси ва «Наполи»нинг иқтидори сабабли уларни чемпионлик пойгасидан чиқариш ташлаш керак эмас» – деди Пиоли.
