Москванинг «Москва» клуби собиқ вице-президенти Юрий Белоус «Реал» ярим ҳимоячиси Луиш Фигу билан амалга ошмай қолган трансфер ҳақида фикр билдирди.

«Ҳа, ҳақиқатдан ҳам бу воқеа бўлган, бу ҳазил эмас. Ушбу музокарани мен олиб боргандим ва барча рақамларни унга ошкор қилгандим. Бу адашмасам 2005 йили содир бўлганди. Клуб ҳомийлари ушбу қизиқарли лойиҳа учун маблағ ажратишга тайёр эди.

Мен Фигуга йилига 8 миллион маош ваъда қилдим...! У жуда узоқ ўйлади. Ўйлайманки, унинг уйқксиз тунлари жуда кўп бўлган, чунки, у йилиги 2 миллион евроли маошга «Интер» клубига ўтганди. Фигу бизнинг таклифга рад жавоб бериш учун шахсан Москвага келганди», – дея хотирлайди Белоус.