Италиянинг «Интер» клуби ўз ярим ҳимоячиси Кристиан Эриксендан қишки трансфер бозорида тезроқ қутилмоқчи. Бу ҳақда Италия матбуоти хабар бермоқда.
«Нерадзуррилар» раҳбарияти кийиниш хонасидаги салбий муҳитга тоқат қилишдан чарчади. Чунки, Эриксен ва жамоа бош мураббийи Антонио Контелар ўртасидаги низо ҳали бери якунланадиганга ўхшамайди. «Болонья»га қарши бўлиб ўтган ўйиндан кейин даниялик футболчи жамоа бош мураббийидан ғазабланганди.
Аввалроқ, Эриксен Лондоннинг «Арсенал» клубига кўчиб ўтишга яқин тургани ҳақида маълумот тарқатилганди.
