Ўзбекистон Кубоги 1/8 финалида АГМКга учралган мағлубиятдан кейин "Локомотив" бош мураббийи Андрей Микляев фикрларини билдириб ўтди.
- Ўйинни тўлиқ гапирмоқчи эмасман. Баҳсга яхши тайёргарлик кўргандик. Кубок ўйинлари шундай: гол ўтказиб юборасан ва тикланиш қийин бўлади. Ўзимиз совға қилдик. Иккинчи голда ҳам бир неча футболчиларга тўп текканидан кейин гол бўлди. Ҳақиқий кубок ўйини. Агарда биринчи бўлиб гол урганимизда барчаси бошқача бўлиши мумкин эди. АГМКни навбатдаги босқичга чиққани билан табриклайман. Бугун омадсиз кунимиз экан.
- Тимур Кападзе қоладими ёки кетадими?
- Бу савол менга эмас, раҳбарларга берилиши керак.
- Келаси мавсум учун режалар ишлаб чиқилдими? Янги футболчилар билан келишувлар амалга оширилганми? Таркибда қандай ўзгаришлар бўлади?
- Йўқ, келаси йил борасида ҳали гаплашиб олмадик. Пандемия сабабли тақвим жуда оғирлашиб кетди. Келаси мавсум қачон бошланишини кимдир айта оладими? Мен ҳам сизлар каби ҳеч нимани билмайман ва ҳеч нима дея олмайман.
