Европа чемпионлар лигаси "H" гуруҳидан ўрин олган «Пари Сен-Жермен» ва «Истанбул» жамоалари ўртасидаги кечаги тўхтаб қолган ўйин бугун 14-дақиқадан бошлаб давом эттирилди.

Парижликлар тез орада Неймарнинг голи эвазига ҳисобни очишди. Кўп ўтмасдан бразилиялик футболчининг ўзи фарқни иккитага оширди. Биринчи бўлим тугаш арафасида туркияликлар дарвозаси томон пенальти белгиланди. Килиан Мбаппе ундан самарали фойдаланди.

Иккинчи бўлимда Неймар ва Мбаппе яна биттадан гол муаллифига айланишган бўлса, "Истанбул" битта жавоб тўпини киритди.

Шу тариқа, "ПСЖ" ўз очколарини 12тага етказиб, гуруҳда 1-ўринни қўлга киритди.

Европа чемпионлар лигаси, "H" гуруҳи, 6-тур
ПСЖ Франция – Истанбул Туркия 5:1 (3:0, 2:1)
Голлар: 1:0 – 21 Неймар, 2:0 – 37 Неймар, 3:0 – 42, пенальти Мбаппе, 4:0 – 50 Неймар, 4:1 – 57 Топал, 5:1 – 62 Мбаппе.
ПСЖ – Навас, Кимпембе (Диалло, 80), Флоренци (Пембеле, 80), Маркиньос (Керер, 67), Баккер, Рафинья (Ди Мария, 46), Данилу Перейра, Верратти (Гуйе, 80), Паредес, Мбаппе, Неймар.
Истанбул – Гюнок, Карлуш Понк, Калдырым (Болинголи-Мбомбо, 68), Рафаэл (Жулиано, 68), Қахвежи, Топал, Текдемир (Шадли, 89), Озджан, Тюрюч, Кривелли (Ба, 68), Гульбрандсен (Каплан, 80).
Огоҳлантиришлар: Текдемир (10), Рафаэл (12), Гюнок (42), Кривелли (63), Пембеле (90).