Италия чемпионатининг 11-турига старт берилди. Тур доирасида дастлабки ўйин «Сассуоло» ва «Беневенто» жамоалари ўртасида бўлиб ўтди.

Баҳснинг 8-дақиқасида Доменико Берарди пенальтидан унумли фойдаланиб, ҳисобни очди.

Иккинчи бўлимда эса «Сассуоло» футболчиси Лукаш Гараслин майдондан четлатилди. «Беневенто» иккинчи бўлим давомида бир киши кўп бўлиб ўйнаганига қарамай, мағлубиятдан қутула олмади.

Ушбу ғалабадан кейин «Сассуоло» ўз очколарини 22тага етказиб, жадвалда 2-ўринга кўтарилиб олди. «Беневенто» эса 11 очко билан 13-поғонани эгаллади.

Италия А серияси, 11-тур
Сассуоло – Беневенто 1:0 (1:0, 0:0)
Гол: 1:0 – 8, пенальти Берарди.
Сассуоло – Консильи, Марлон, Толян (Айхан, 57), Кирьякопулос (Рожерио, 83), Феррари, Журичич (Бога, 57), Лопес (Распадори, 57), Гараслин, Бурабия, Берарди (Мюльдюр, 87), Локателли.
Беневенто – Монтипо, Глик, Барба (Сау, 76), Туйя, Летициа, Ионицэ (Дабо, 57), Скьяттарелла, Импрота, Хетемай (Инсинье, 46), Капрари (Яго Фальке, 79), Лападула.
Огоҳлантиришлар: Хетемай (9), Ионицэ (23), Берарди (40), Барба (69), Айхан (86), Дабо (87).
Четлатиш: Гараслин (49).