Англиянинг «Ливерпуль» клуби футболчиси Диогу Жота жароҳат сабабли 2 ойга сафдан чиқди, дея хабар тарқатмоқда Record.

Аввалроқ, футболчининг тиззасида муаммо юзага келгани ҳақида айтилганди, шу сабабли, у бугун «Фулхэм»га қарши бўлиб ўтадиган ўйинни ўтказиб юборади.

Шунингдек, Португалия ОАВси футболчининг жароҳати жиддий эканлигини қўшимча қилмоқда ва фақатгина февраль ойида майдонга тушишини айтмоқда.

Жота жорий мавсум барча турнирларда 17 та учрашув ўтказди ва рақиблар дарвозасига 9 та гол киритди.