Мюнхеннинг «Бавария» клуби ҳужумчиси Роберт Левандовски ўз вақтида Италиянинг «Женоа» клуби футболчисига айланишига яқин келганини тасдиқлади.
«Италияда кўплаб польшалик футболчилар ўйнайди. «Лех» клубида ўйнаб юрган пайтларимда «Женоа»га ўтишга жуда яқин келгандим .Лекин, мен ЕЧЛда ўйнашни хоҳлардим, шу сабабли «Боруссия»ни танглагман. Ҳозирги савиямни ҳисобга олган ҳолда, бу тўғри қарор бўлган деб ўйлайман», - Левандовскининг сўзларидан иқтибос келтирмоқда Football Italia.
Роберт Левандовски «Боруссия» таркибида 2010 йилнинг ёзида «Лех» клубидан кўчиб ўтганди. Дортмундда тўрт мавсум ўйнаган польшалик ҳужумчи эркин агент сифатида «Бавария»га кўчиб ўтганди.
