Мадриднинг «Реал» клуби бош мураббийи Зинедин Зидан Ла Лига доирасида «Атлетик» (3:1) клуби устидан қўлга киритилган ғалаба ҳақидаги фикрлари билан ўртоқлашди.
«Тўғри, Ла Лигада доим қийин. Бугун таркибимизда муаммолар бор эди, лекин биз очкони қўлга киритдик. Ўйин ҳақида кўп ҳам гапириш керак эмас, асосийси – биз ғалаба қозондик. Ўйинни чиройли тарзда ўтказдик деб айта олмайман, лекин қачонки ёмон ўйнасанг ҳам, барибир ғалаба қозонишинг керак.
Ўйинга танланган таркиб? Инсонлар менинг ҳар бир қароримни муҳокама қилишади. Мен ўз ишимни қилишим керак ва ўйлайманки, шундай қилишим керак эди. Ҳамма майдонга тушишга хоҳлайди ва энг асосийси – биз қилаётган ишимизни қилишда давом этяпмиз. Ишлар яхши кетяпти ва ғалабадан барчамиз хурсандмиз», – деди Зидан Marca билан суҳбатда.
