Бугун ФИФАнинг Тhe best совринлари топширилади
«Йилнинг энг яхши футболчиси» номига Роберт Левандовски («Бавария», Польша), Криштиану Роналду («Ювентус», Португалия) ва Лионель Месси («Барселона», Аргентина)лар даъвогарлик қилишмоқда.
"Йилнинг энг яхши аёл футболчиси" соврини учун Люси Бронз («Манчестер Сити», Англия), Пернилла Хардер («Челси», Дания) ва Венди Ренар («Лион», Франция)лар кураш олиб боради.
«Йилнинг энг яхши мураббийи» соврини учун Марсело Бьелса («Лидс», Аргентина), Ханс-Дитер Флик («Бавария», Германия) ва Юрген Клопп («Ливерпуль», Германия)лар беллашади.
"Энг яхши аёл мураббий" совринига Эмма Хайес («Челси», Англия), Жан-Люк Вассер («Лион», Франция) ва Сарина Вигман (Нидерландия терма жамоаси, Нидерландия)ларнинг номзодлари танлаб олинган.
«Йилнинг энг яхши дарвозабони» соврини учун Мануэль Нойер («Бавария», Германия), Алиссон («Ливерпуль», Бразилия) ва Ян Облак («Атлетико», Словения)лар курашади.
"Йилнинг энг яхши аёл дарвозабони" номзодига Сара Буадди («Лион», Франция), Кристиана Эндлер («ПСЖ», Чили) ва Алисса Нихер («Чикаго Ред Старс», АҚШ)лар саралаб олинган.
«Энг яхши гол-2020» соврини учун «Атлетико» ҳужумчиси Луис Суарес, «Тоттенхэм» футболчиси Сон Хён Мин ва «Фламенго» аъзоси Жорджиан де Арраскаэталарнинг голлари номзодлик қилмоқда.
Маросим коронавирус пандемияси сабабли онлайн-форматда ўтказилади. Тақдирлаш маросими Тошкент вақти билан соат 23:00 да бошланади.
