Forbes журнали 2020 йилда энг кўп маош ишлаб топадиган таниқли шахсларнинг рўйхатини эълон қилди.
"Кучли бешлик"дан "Ювентус" ҳужумчиси Криштиану Роналду ва "Барселона" сардори Лионель Мессилар жой олди. Португалиялик футболчи 2020 йилда 105 миллион доллар ишлаб топган бўлса, аргентиналик футболчи 104 миллион доллар жамғарди.
Улардан юқори ўринларни эса модель Кайли Дженнер (590 млн $), рэпер Канье Уэст (170 млн$) ва теннисчи Роджер Федерер (106,3 млн$)лар эгаллади.
Қайд этиш керакки, ушбу рўйхатнинг "кучли ўнталигидан" "ПСЖ" ҳужумчиси Неймар ҳам жой олди. Бразилиялик футболчи ортда қолаётган йилда 95,5 миллион доллар миқдорида маблағ ишлаб топиб, 7-ўринни банд этди.
