«Манчестер Юнайтед» АПЛнинг 13-тур доирасида «Шеффилд Юнайтед» майдонига сафар уюштириб, 3:2 ҳисобидаги муҳим ғалабани қўлга киритди. Учрашувдан сўнг, "қизил иблислар" бош мураббийи Оле Гуннер Сульшер ўз фикрларини билдирди.

«Ушбу ўйин биз учун янада қулайроқ бўлиши мумкин эди. 3:1 ҳисобида олдинга чиқиб олганимиздан сўнг бироз хотиржамликка берилди. Бурчак тўпларида уларга нисбатан ҳимояланиш жуда қийин.

Ўйлайманки, киритган барча голларимиз ажойиб кўриниш олди. Жиддий синов бўлишини билардик. Жамоанинг жисмоний ҳолатини текшириб олдим.

«Олд Траффорд»да ўтказадиган ўйинларимизни тартибга солишимиз керак. Бундай шароитда жуда катта фарқ йўқ, лекин биз бошқа стадионлардан кўра, ўз майдонимиздаги имкониятлардан кўпроқ фойдаланишимиз керак. «Лидс»га қарши жиддий учрашув кутиб турибди. Биз бу учрашувни йиллар давомида кутдик», – деди мутахассис.