Италиянинг «Милан» клуби ҳужумчиси Златан Ибрагимович жамоанинг жума куни эрталаб ўтказилган умумий машғулотларида иштирок этгани ҳақида CalcioMercato хабар тарқатмоқда.
Швециялик ҳужумчи якшанба куни А Серия доирасида «Сассуоло» жамоасига қарши бўлиб ўтадиган учрашувда майдонга тушиш имкониятига эга. Бироқ, унинг майдонга тушиш ёки тушмаслиги ўйиндан бир кун олдин бош мураббий томонидан қабул қилинади.
Ибрагимович жорий мавсум "Милан"нинг олтита ўйинида майдонга тушди ва ўз ҳисобига 9 та гол ёздириб қўйди.
Эслатиб ўтамиз, Ибрагимович ўтган ой «Наполи»га қарши учрашувда жароҳат олганди.
