Каталониянинг «Барселона» клуби бош мураббийи Роналд Куман жамоанинг жорий мавсумдаги тақвимини танқид қилди.
«Ҳамон бизда зич тақвим бор деб ўйлайман. Агар Суперкубокнинг ярим финалида ғалаба қозонсак, у ҳолда ўйинларимиз сони яна биттага ортади. Сафардаги ўйинларимиз жуда кўп.
Футболчиларни жиддий шикастлаяпмиз. Менга ўйиндан ўйинга ҳаракат қилишимиз ёқади, аммо парвозлар ҳақида ўйлашимиз керак, ўйинлардан кеч қайтаймиз... Бу масалани муҳокама қилиш керак ва бундай гавжум мавсумни қандай ўтказишни ўйлаб кўришимиз керак», – деди Куман.
