Мадриднинг «Реал» клуби ярим ҳимоячиси Лука Модричга Лондоннинг «Тоттенхэм» клуби қизиқиш билдираётгани ҳақида El Chiringuito хабар тарқатмоқда.

35 ёшли хорватиялик футболчининг хизматига «шпорлар» бош мураббийи Жозе Моуриньо қизиқиш билдирмоқда. Португалия мутахассис футболчи билан боғланишга улгурди.

Модричнинг «Қироллик клуби» билан амалдаги шартномаси келаси йилнинг ёзида якунланади. «Реал» бош мураббийи Зинедин Зидан Модрични жамоада қолишини хоҳламоқда.

Бироқ, футболчи билан ҳали янги шартнома борасида музокара олиб борилмаган. Январь ойида хорватиялик футболчи бошқа клублар билан бемалол музокара олиб бориш ҳуқуқини қўлга киритади.