Италия чемпионатининг 13-тури доирасида «Ювентус» ўз уйида «Парма»ни қабул қилиб, йирик ҳисобда ғалаба қозонди.

Баҳснинг 23-дақиқасида Кулусевски ҳисобни очган бўлса, орадан 3 дақиқа ўтиб Роналду фарқни иккитага оширди.

Иккинчи тайм бошида Криштиану "дубл"ни расмийлаштирган бўлса, ўйин тугашига 5 дақиқа қолганида Мората "Юве"нинг тўртинчи голига муаллифлик қилди. Альваро, бундан ташқари, иккита голга ассистентлик қилганини ҳам таъкидлаш лозим.

"Ювентус" ушбу ғалабадан кейин ўз очколарини 27тага етказиб, жадвалда 2-ўринга кўтарилиб олди.

Италия А серияси, 13-тур
Парма – Ювентус 0:4 (0:2, 0:2)
Голлар: 0:1 – 23 Кулусевски, 0:2 – 26 Роналду, 0:3 – 48 Роналду, 0:4 – 85 Мората.
Парма – Сепе, Якопони (Бюси, 60), Осорио, Бруну Алвеш, Гальоло, Эрнани, Зом, Куртич (Бругман, 85), Куцка (Сипрьен, 60), Корнелиус (Инглезе, 61), Жервиньо (Карамо, 46).
Ювентус – Буффон, Данило, Бонуччи (Куадрадо, 76), де Лигт, Кулусевски, Маккенни (Портанова, 76), Бентанкур, Рэмзи (Бернардески, 68), Алекс Сандро, Мората, Роналду (Кьеза, 82).
Огоҳлантириш: Данило (40).