Ушбу рукнимиздаги энг сўнгги янгиликлар билан таништиришда давом этамиз.
«МЮ»дан ўзгача юриш
Англиянинг «Манчестер Юнайтед» жамоаси «Индепенденте» жамоаси ярим ҳимоячиси Мойсес Кайседони ўз сафига қўшиб олмоқчи.
Инглиз нашрларининг маълум қилишича, Эд Вудворд аллақачон 19 ёшли футболчи борасида музокараларга киришган.
Маълумотларга қараганда, «Индепенденте» ўз футболчисини 5 миллион еврога сотишга рози, аммо унинг кейинги трансферидан тушадиган 20 фоиз пулини ҳам ўз ҳисобига ёздириб қўймоқчи.
Муса Туркияда!
«Лестер» жамоасининг собиқ ҳужумчиси Аҳмад Муса фаолиятини Туркияда давом эттириши мумкин.
«Sabah» нашрининг маълум қилишча, нигериялик ҳужумчи билан «Фенербаҳче» жамоаси жиддий қизиқиб қолган. Шу боис, унинг трансферини амалга ошириш учун аллақачон шахсий шартнома тайёрламоқда.
Манбанинг маълум қилишича, турк клуби футболчига йилига 1,5 миллион евро маош тўлашга тайёр эканлигини маълум қилган.
Жиру қоладими?
Лондоннинг «Челси» жамоаси ҳужумчиси Оливер Жиру фаолиятини Лондонда давом эттириши мумкин.
«The Sun» нашрининг маълум қилишича, клуб ҳужумчини клубда олиб қолишга ҳаракат қилади. Манбанинг маълум қилишича, «аристократлар» ҳеч бўлмаса ёзга қадар амалдаги ЖЧ ғолибини таркибда сақлаб қолишмоқчи.
Эслатиб ўтамиз, Жиру билан аввалроқ «Интер» ва «Милан» жамоалари қизиқиб қолгани ҳақида хабар берган эди. Маълумотларга қараганда, ёзда эркин агентга айланадиган футболчида деярли 20 га яқин таклифлар мавжуд.
Фил кетмоқчи!
Англиянинг «Манчестер Юнайтед» жамоаси ҳимоячиси Фил Жонс якуний қарорни қабул қилди.
унга кўра, инглиз футболчиси қишки трансфер ойнаси очилиши билан ўзи учун янги жамоа изламоқчи.
«Daily Star» нашрининг маълум қилишича, 28 ёшли футболчи «Дерби Каунти» билан шартнома имзолаши кутилмоқда. Ушбу клуб Жонсни ярим мавсумга ижарага олишни режа қилган.
Эслатиб ўтамиз, Фил етарлича ўйин амалиётисиз қолиб кетаётганидан норози. Шу боис, клуб раҳбарларидан ўзини қўйиб юборишларини талаб қилмоқда.
«Байер» ишга киришди
Леверкузеннинг «Байер» клуби «Манчестер Юнайтед» футболчиси Брендон Уилямс учун курашга киришди.
«The Telegraph» нашрининг маълум қилишича, 20 ёшли футболчи қишда ижара асосида бошқа клубга ўтишини маълум қилган.
Маълумотларга қараганда, «Байер» устози - Петер Бошнинг шахсан ўзи ҳимоячини таркибга қўшиб олмоқчи. Клуб «қизил иблислар» футболчиси сотиб олиш шарти билан ижарага олишни режа қилмоқда.
