«Реал» бош мураббийи Зайниддин Зидан Испания Ла лигасининг 14-тури доирасида бўлиб ўтган «Эйбар»га қарши ўйин (3:1) борасида ўз фикрини билдириб ўтди.

«Таслим бўлмайдиган рақибга қарши ўйинда қийинчиликка дуч келдик. «Эйбар» – майдоннинг рақибга тегишли қисмида тўпни энг кўп олиб қўядиган жамоа.

Умуман олганда, биз бутун учрашув давомида ўйинни назорат қилдик. Сафимиздаги ўйинчилар билан буни уддалаш осон.

Асенсионинг аҳволи яхши, унга кўпроқ ўйин амалиёти керак, лекин энг муҳими — жамоа манфаати.

Тўп Рамоснинг қўлига теккани борасида шуни айтишим мумкинки, бу ҳолат ҳакамларга яхши маълум», – деди Зидан.