«Тоттенхэм Хотспур» клуби ҳимоячиси Дэнни Роуз Нортгемптон шаҳрида йўл-транспорт ҳодисасини содир этгани учун полиция томонидан ҳибсга олинди. Бу ҳақда "The Sun" хабар тарқатди.

Манбага кўра, футболчи 23 декабрь, чоршанба куни кечаси автомагистрал бўйлаб катта тезликда ҳаракатлана бориб бошқарувни йўқотган ва йўл четидаги тўсиққа урилган. Бундан Роузнинг ўзи жабр чекмади, аммо автомобилнинг ғилдираги чиқиб кетиб, орқа бамперига шикаст етган. Йўл ҳаракат хавфсизлиги ходимлари унга нисбатан автомобилни хавфли бошқариш айбловини қўйди ҳамда уни полиция бўлимида олиб қолишди.

23 декабрь куни "Тоттенхэм"ни Англия лига кубоги доирасида Сток-он-Трент шаҳрида  "Сток Сити"га қарши ўйин кутиб турганига қарамай, Дэнни Роуз нима учун Нортгемптонга боргани ҳозирча аниқ эмас. Ушбу шаҳарлар орасида масофа 150 км.ни ташкил этади.