Лондоннинг «Арсенал» клуби ҳужумчиси Пьер-Эмерик Обамеянг болдиридаги мушакларининг жароҳатланиши оқибатида, жамоанинг иккита ўйинини ўтказиб юборганди. Лекин, шанба куни АПЛ доирасида «Челси» клубига қарши ўйинда майдонга тушиши кутилмоқда.
"Арсенал" бош мураббийи Микель Артетанинг берган маълуомотига қараганда, габонлик футболчи жамоанинг умумий машғулотларига қайтди, унинг майдонга тушиши борасида қарор ўйин куни қабул қилинади.
Ярим ҳимоячи Томас Парти эса жароҳатидан ҳали тўлиқ фориғ бўлмаганлиги сабабли, "Челси"га қарши ўйинни ўтказиб юборади. Парти 6 декабрь куни «Тоттенхэм» (0:2) клубига қарши ўйинда жароҳат олганди.
