Осиё футбол конфедерацияси Осиё чемпионлар лигасининг 2020 йилги мавсуми якунлари бўйича турли статистикаларини эълон қилди. Мусобақа чорак финалигача етиб борган "Пахтакор" клубининг икки етакчиси 2та кўрсаткич бўйича етакчиликни қўлга киритди.

Жалолиддин Машарипов

Ярим ҳимоячи ОЧЛ ўйинларида рақибларни энг кўп марта алдаб ўтган футболчига айланди. Ўзбекистонлик футболчи мавсум давомида 24 марта рақибларни муваффақиятли алдаб ўтган.

1. Жалолиддин Машарипов («Пахтакор») — 24
2. Кайо ("Шаржа") — 22
3. Жонатан Виера ("Бейцзинг") — 21
4. Холид ал-Ғаннам ("Ан-Наср") — 21
5. Абдураззоқ Ҳамдаллаҳ ("Ан-Наср") — 19

Драган Черан

"Пахтакор"нинг сербиялик легионери, ҳужумчи бўлишига қарамай, рақиблар билан тўп учун яккама-якка курашда энг яхши натижа қайд этган ўйинчига айланди. У рақиблар билан курашда 54 марта устуликка эришди.

1. Драган Черан ("Пахтакор") — 54
2. Холид ал-Ғаннам ("Ан-Наср") — 53
2. Абдураззоқ Ҳамдаллаҳ ("Ан-Наср") — 53
2. Сиамак Нематий ("Персеполис") — 53
5. Шожаий Халилзода ("Персеполис") — 51