Osiyo futbol konfederasiyasi Osiyo chempionlar ligasining 2020 yilgi mavsumi yakunlari bo‘yicha turli statistikalarini e’lon qildi. Musobaqa chorak finaligacha yetib borgan "Paxtakor" klubining ikki yetakchisi 2ta ko‘rsatkich bo‘yicha yetakchilikni qo‘lga kiritdi.

Jaloliddin Masharipov

Yarim himoyachi OCHL o‘yinlarida raqiblarni eng ko‘p marta aldab o‘tgan futbolchiga aylandi. O‘zbekistonlik futbolchi mavsum davomida 24 marta raqiblarni muvaffaqiyatli aldab o‘tgan.

1. Jaloliddin Masharipov («Paxtakor») — 24
2. Kayo ("Sharja") — 22
3. Jonatan Viyera ("Beyszing") — 21
4. Xolid al-G‘annam ("An-Nasr") — 21
5. Abdurazzoq Hamdallah ("An-Nasr") — 19

Dragan Cheran

"Paxtakor"ning serbiyalik legioneri, hujumchi bo‘lishiga qaramay, raqiblar bilan to‘p uchun yakkama-yakka kurashda eng yaxshi natija qayd etgan o‘yinchiga aylandi. U raqiblar bilan kurashda 54 marta ustulikka erishdi.

1. Dragan Cheran ("Paxtakor") — 54
2. Xolid al-G‘annam ("An-Nasr") — 53
2. Abdurazzoq Hamdallah ("An-Nasr") — 53
2. Siamak Nematiy ("Persepolis") — 53
5. Shojaiy Xalilzoda ("Persepolis") — 51