Мадриднинг «Реал» клуби ҳужумчиси Лука Йович Германияга қайтиши мумкин.
Kicker нашрининг тарқатган маълумотига қараганда, «Айнтрахт» клуби сербиялик футболчини январь ойида ижарага олмоқчи. Германияликлар яқин соатлар ичида ушбу трансфер борасида «қаймоқранглилар» раҳбарияти билан музокараларни бошлашади.
23 ёшли футболчи «Айнтрахт» таркибида 2017 йилдан 2019 йилгача тўп сурган, кейин эса 63 миллион евро эвазига Мадриднинг «Реал» клуби сафига кўчиб ўтганди.
Жорий мавсум Йович мадридликларнинг 5 та учрашувида майдонга тушди, лекин битта ҳам гол кирита олмади.
