Англия Премьер-лигасининг 15-тур доирасида "Манчестер Сити" ўз майдонида "Ньюкасл"ни қабул қилади. Ушбу баҳсдан олдин ташкил этилган матбуот анжуманида "шаҳарликлар" бош мураббийи Хосеп Гвардиола иштирок этди.
"Голларни Қорбобо қопда кўтариб келмайди, балки, майдонда урилади. Гол киритиш учун яхши ўйин намойиш этиш керак. Биз ўз футболимизни намойиш этишимиз керак, бу бизнинг энг асосий мақсадимиз. Голлар тезроқ амалга оширилиши керак. Қанча кўп очко жамғарсак, кейинчалик осон бўлади.
Бизда ҳалигача жамоавий руҳият юқори ва таркибимизда яхши футболчилар бор. Бу жуда муҳим, чунки олдимизда қийин ўйинлар турибди ва келажакда ҳар нарса бўлиши мумкин" - деди Гвардиола.
