32 ёшли бразилиялик ҳимоячи Марсело Мадриднинг «Реал» клубини январь ойида тарк этадиганга ўхшайди, дея хабар тарқатмоқда El Chiringuito.

Манбанинг ёзишича, Марсело жамоадоши Рафаэл Варан билан Ла Лиганинг 11-тур доирасида «Алавес» (1:2) қарши ўйиндан кейин торишиб қолган. Шу сабабли, футболчи ички муҳитни бузмаслиги учун бразилиялик ҳимоячи январь ойида сотиб юбориладиган бўлиб турибди.

Бундан ташқари, Марсело Зинедин Зиданнинг режаларига киритилмаяпти ва франциялик мураббийи кўпроқ Ферлан Мендига ишонч билдирмоқда.

Эслатиб ўтамиз, Марсело «Қироллик клуби»да 2007 йилдан бери ўйнаб келмоқда.