Мадриднинг "Реал" ярим ҳимоячиси Иско клуб раҳбариятидан ўзини трансферга қўйишларини талаб қилгани ҳақида Diario Gol хабар тарқатмоқда.

Хабарда айтилишича, Иско ва Серхио Рамос ўртасида зиддият юзага келган. "Қаймоқранглилар" сардори испаниялик ярим ҳимоячини машғулотларда меҳнат қилмаётганини танқид қилган. Бироқ, жамоадагиларнинг аксариятини фикрига қараганда, Иско адолатсиз равишда асосий таркибдан четда қолмоқда.

Футболчининг ўзи Испания терма жамоаси билан Европа чемпионатида иштирок этиш ниятида. Бироқ, у Европа чемпионатида иштирок этиши учун мунтазам равишда ўйин амалиётига эга бўлиши керак. Мана шу унинг трансферга қўйилишини сўрашга сабаб бўлмоқда. Иско бошқа жамоа таркибида мана шу имкониятга эга бўлишига умид қилмоқда.