Англиянинг «Ливерпуль» клуби ҳимоячиси Эндрю Робертсон «Вест Бромвич» (1:1) клубига қарши ўйиндан кейинги фикрларини билдирди.
«Агар хотиржамликка берилиб кетсангиз, натижа мана шундай бўлади. Қачонки олдингизда Сэм Эллардайсдек мураббийнинг жамоаси турса, улар ўзларининг ягона имкониятини сўнгги дақиқагача кутишини унутмаслик керак.
Биринчи бўлимда кўплаб вазиятлар содир этдик, иккинчи бўлим эса умуман бошқача бўлди. Иккинчи бўлимда ҳаммамиз хатога йўл қўйдик, лекин биз «Вест Бромвич»ни ўйинини ҳам унутмаслигимиз керак. Ушбу хатодан хулоса чиқарамиз ва олдинга қараб қадам ташлаймиз. Биз бугунги ўйиндан кейин тўхтаб қолмаслигимиз керак», - деди Робертсон BBC билан суҳбатда.
