Angliyaning «Liverpul» klubi himoyachisi Endryu Robertson «Vest Bromvich» (1:1) klubiga qarshi o‘yindan keyingi fikrlarini bildirdi.
«Agar xotirjamlikka berilib ketsangiz, natija mana shunday bo‘ladi. Qachonki oldingizda Sem Ellardaysdek murabbiyning jamoasi tursa, ular o‘zlarining yagona imkoniyatini so‘nggi daqiqagacha kutishini unutmaslik kerak.
Birinchi bo‘limda ko‘plab vaziyatlar sodir etdik, ikkinchi bo‘lim esa umuman boshqacha bo‘ldi. Ikkinchi bo‘limda hammamiz xatoga yo‘l qo‘ydik, lekin biz «Vest Bromvich»ni o‘yinini ham unutmasligimiz kerak. Ushbu xatodan xulosa chiqaramiz va oldinga qarab qadam tashlaymiz. Biz bugungi o‘yindan keyin to‘xtab qolmasligimiz kerak», - dedi Robertson BBC bilan suhbatda.
