«Милан» ҳужумчиси Златан Ибраҳимович жамоасининг навбатдаги иккита учрашувини ўтказиб юборади.
"Football Italia" тарқатган хабарга кўра, швециялик футболчи «Беневенто» (3 январь) ва «Ювентус» (6 январь)га қарши ўйинларда иштирок эта олмайди.
39 ёшли футболчи мазкур баҳсларда қатнашса, унинг жароҳати қайталаниши мумкин. Клуб шундан хавотир олмоқда. Златан ҳозирда тўпиғидан олган жароҳатидан тикланмоқда. У 22 ноябрдан бери майдонга тушмади.