Англиянинг «Манчестер Юнайтед» клуби Поль Погба борасида тушадиган таклифларни кўриб чиқишга тайёр.
Эслатиб ўтамиз, франциялик футболчига – «Ювентус» ва «Реал» клублари асосий номзод саналишмоқда.
«МЮ» Погбанинг трансферидан 50 миллион фунт ишлаб олиш ниятида эканлигини очиқлади. Бу ҳақда Eurosport хабар бермоқда. 2016 йили "манкунианликлар" Погба учун «Ювентус»га 89 миллион евро тўлаганди.
Франциялик футболчининг трансфери январь ойида амалга ошиши кутилмоқда. Погбанинг "қизил иблислар" билан амалдаги шартномаси 2022 йилнинг ёзида якунига етади.
