Англиянинг "Sky Sports" нашри 2021 йилнинг ёзида эркин агентга айланадиган 20 нафар энг яхши футболчилар рейтингини тузиб чиқди.

Ундан Лионель Месси («Барселона»), Серхио Агуэро («Манчестер Сити»), Серхио Рамос («Реал Мадрид»), Месут Ўзил («Арсенал»), Давид Алаба («Бавария»), Мемфис Депай («Лион»), Жоржиньо Вейналдум («Ливерпуль»), Аркадиуш Милик («Наполи»), Анхель Ди Мария («ПСЖ»), Жанлуиджи Доннарумма («Милан») каби футболчилар ўрин олишди.

Уларнинг ўз клублари билан шартномалари жорий мавсум сўнгида якунига етади. Ҳозирча жамоалар ўз футболчилари шартнома узайтириш борасида келишувга эришишмади. Шу боис, ушбу футболчилар 1 январь санасидан бошлаб бошқа жамоалар билан музокаралар олиб бориш ҳуқуқига эга бўлишади.

"Sky Sports" тарқатган хабарга кўра, «Барселона» ҳужумчиси Лионель Месси эркин агентга айланса, у фаолиятини «Манчестер Сити» ва «ПСЖ»да давом эттириши мумкин. Шунингдек, у ўз ватани — «Ньюэллс Олд Бойз» клубига қайтиши мумкин.