Angliyaning "Sky Sports" nashri 2021 yilning yozida erkin agentga aylanadigan 20 nafar eng yaxshi futbolchilar reytingini tuzib chiqdi.

Undan Lionel Messi («Barselona»), Serxio Aguero («Manchester Siti»), Serxio Ramos («Real Madrid»), Mesut O‘zil («Arsenal»), David Alaba («Bavariya»), Memfis Depay («Lion»), Jorjinyo Veynaldum («Liverpul»), Arkadiush Milik («Napoli»), Anxel Di Mariya («PSJ»), Janluidji Donnarumma («Milan») kabi futbolchilar o‘rin olishdi.

Ularning o‘z klublari bilan shartnomalari joriy mavsum so‘ngida yakuniga yetadi. Hozircha jamoalar o‘z futbolchilari shartnoma uzaytirish borasida kelishuvga erishishmadi. Shu bois, ushbu futbolchilar 1 yanvar sanasidan boshlab boshqa jamoalar bilan muzokaralar olib borish huquqiga ega bo‘lishadi.

"Sky Sports" tarqatgan xabarga ko‘ra, «Barselona» hujumchisi Lionel Messi erkin agentga aylansa, u faoliyatini «Manchester Siti» va «PSJ»da davom ettirishi mumkin. Shuningdek, u o‘z vatani — «Nyuells Old Boyz» klubiga qaytishi mumkin.