«Реал» бош мураббийи Зайниддин Зидан Испания чемпионатининг 16-туридан ўрин олган «Эльче»га қарши ўйин (1:1) борасида ўз фикрини билдириб ўтди.

«Ҳиссиётлар у қадар яхши эмас. Биз ўйин тақдирини ҳал қилиш учун имкониятларга эга бўлдик, аммо бўлар иш бўлди. Рақиб гол уриб, ҳимояга ётиб олганидан кейин бизга жуда қийин бўлди. Бунгача биз иккинчи голни уришимиз мумкин эди, аммо буни амалга ошира олмадик. Гап ўзимизга бўлган ишончда эмас, ўртага нима тикилганини билардик.

«Атлетико» қоқилмайди, аммо мавсум олис ва олдинда ўйинлар кўп. Барча жамоалар очко йўқотишади. Биз ўз ишимизни бажаришда, курашда давом этишимиз керак. Биз ҳам очко йўқотамиз, мана нима учун таслим бўлмаслик керак», — деди Зидан.

«Реал» Испания чемпионати жадвалида «Атлетико»дан 2 очко ортда қолган ҳолда 2-ўринни эгаллаб турибди. «Матрасчилар» ҳисобида 2та захира ўйини мавжуд.