Каталониянинг "Барселона" клуби президентлигига номзод Эмили Русо жамоанинг молиявий ҳолати ҳақида фикр билдирди.
– «Барселона»даги ҳозирги иқтисодий вазият трансфер сиёсатининг ёмон натижасими?
– Албатта. Неймар кетганидан кейин қолган пулни Коутиньо ва Дембелега тикдик. Улар биз кутган натижани бермади. Ушбу харидлар натижа бермагани учун биз бошқа футболчиларни харид қилдик. Пулимиз бўлмаганлиги сабабли, уларни қарзга харид қилдик.
Рақобатдош жамоа– бу қийин иқтисодий вазиятни енгиб ўтиш усули. Совринларни ютадиган жамоа. Акс ҳолда, самара бўлмайди.
Мен ҳаражатларни камайтиришга асосланган турли хил усулларни эшитганман. Агар биз бу усулни қўлласак кичик клубга айланиб қолади, бу ерда ҳамма топ-клуб бўлишимизни хоҳлайди. Бизда кучли мутахассис ва футболчилар бўлиши шарт, – деди Русо.
