Юқорига учаётган жойида негадир тепаликни йўқотиб қулашни бошлаган «Челси»нинг бошқарувчилари вазиятни ўнглашга уринишмоқда.

Фрэнк Лэмпардни ёш мураббийлар орасида ҳамон зўри деб ҳисоблайманми? Ҳа, шу фикрдаман. Қанча вақт керак? Шу мавсум охиригача. Жамоа 40 фоизга янгиланган. Экспериментлар даври тугамади. Жароҳатлар ҳам аралашган. Бугун «Челси»да ўзига ўқталган танқидлар қуролини тескари қилиб қўйиш имкони бор. Лекин, анча ҳаракат қилиш зарур. Чунки рақиб қудратли «Манчестер Сити».

Гвардиола жамоаси энди тикланган пайт кутилмаган душман билан олишишга тўғри келмоқда. «Сити» базасига коронавирус кирди. Уокер ва Жезусни таслим этди. Қолган 3 киши сир сақланмоқда. Шу сабабли Пеп бугун - ҳам «Челси», ҳам корона таъсири билан курашади. Таркиблар чиққанда, табиийки, ўша сир сақланганлар кимлигини билиб оламиз. Сиз ҳам билишни ва жиддий клублар жангини томоша қилишни хоҳласангиз 21:30да UzReport TV орқали учрашишни таклиф этаман. Уёғини эфирда гаплашамиз.

Даврон Файзиев.